- Album Intro
- Lyrics
- Album list
- Singer Intro
江惠儀
-
九十九個白賊話
Lyricist:江惠儀 Composer:江惠儀
聽 偌濟 偌濟講了偌濟 聽 偌濟 偌濟閣賰偌濟 聽 聽 聽
聽 偌濟 偌濟人咧講話 聽 偌濟 偌濟捌聽過的話 相仝的話 畫著相仝的妝 相仝的病 穢著相仝的悾 聽 聽 聽
九十九个白賊話 這馬欲講佗一个 心內話就囥心底 藏予家己無地揣 九十九个白賊話 攏穿仝款彼雙鞋 揣袂著的彼一个 是猶未蔫的花 抑是袂成人的罪
他們講攏是不得已 無算是欺騙 攏是為著你 這馬你先莫問遐濟 等待一年兩年三年 聽過一个兩个三个 啥物是真的 攏只是加講的
這是習慣佮規矩 逐家攏按呢 敢講無人講破 白賊話就會變做真的 相信一个兩个三个 予騙一回兩回三回 閣較濟 閣較濟 白賊話
------------------------------------------
18170/《九十九个白賊話》Káu-tsa̍p-káu ê Pe̍h-tsha̍t-uē 江惠儀Kang Huī-gî
聽偌濟 thiann guā-tsuē 偌濟講了偌濟 guā-tsuē kóng liáu guā-tsuē 聽偌濟 thiann guā-tsuē 偌濟閣賰偌濟 guā-tsuē koh tshun guā-tsuē 聽聽聽 thiann thiann thiann
聽偌濟 thiann guā-tsuē 偌濟人咧講話 guā-tsuē lâng teh kóng-uē 聽偌濟 thiann guā-tsuē 偌濟捌聽過的話 guā-tsuē bat thiann--kuè ê uē
相仝的話 sio-kāng ê uē 畫著相仝的妝 uē tio̍h sio-kāng ê tsong 相仝的病 sio-kāng ê pēnn 穢著相仝的悾 uè-tio̍h sio-kāng ê khong 聽聽聽 thiann thiann thiann
九十九个白賊話 káu-tsa̍p-káu ê pe̍h-tsha̍t-uē 這馬欲講佗一个 tsit-má beh kóng tó tsi̍t-ê 心內話 sim-lāi uē 就囥心底 tiō khǹg sim-té 藏予家己無地揣 tshàng hōo ka-kī bô-tè tshuē
九十九个白賊話 káu-tsa̍p-káu ê pe̍h-tsha̍t-uē 攏穿仝款彼雙鞋 lóng tshīng kāng-khuán hit siang ê Find more lyrics at ※ Mojim.com 揣袂著的彼一个 tshuē buē-tio̍h ê hit tsi̍t-ê 是猶未蔫的花 sī iáu-buē lian ê hue 抑是袂成人的罪 ia̍h-sī buē tshiânn-lâng ê tsuē
聽 thiann 九十九个白賊話 káu-tsa̍p-káu ê pe̍h-tsha̍t-uē 偌濟人咧講話 guā-tsuē lâng teh kóng-uē 聽 thiann 九十九个白賊話 káu-tsa̍p-káu ê pe̍h-tsha̍t-uē 偌濟捌聽過的話 guā-tsuē bat thiann--kuè ê uē ---
怹講攏是不得已 in kóng lóng-sī put-tik-í 無算是欺騙 bô sǹg-sī khi-phiàn 攏是為著你 lóng-sī uī-tio̍h lí 這馬你先莫問遐濟 tsit-má lí sing mài mn̄g hiah tsuē 等待一年兩年三年 tán-thāi tsi̍t-nî nn̄g-nî sann-nî 聽過一个兩个三个 thiann-kuè tsi̍t-ê nn̄g-ê sann-ê 啥物是真的 siánn-mih sī tsin--ê 攏只是加講的 lóng tsí-sī ke kóng--ê
這是習慣佮規矩 tse sī si̍p-kuàn kah kui-kí 逐家攏按呢 ta̍k-ke lóng án-ne 敢講無人講破 kám-kóng bô-lâng kóng-phuà 白賊話 pe̍h-tsha̍t-uē 就會變做真的 tiō ē piàn-tsuè tsin--ê 相信一个兩个三个 siong-sìn tsi̍t-ê nn̄g-ê sann-ê 予騙一回兩回三回 hōo phiàn tsi̍t-huê nn̄g-huê sann-huê 閣較濟 koh-khah tsuē 閣較濟 koh-khah tsuē 白賊話 pe̍h-tsha̍t-uē
九十九个白賊話 káu-tsa̍p-káu ê pe̍h-tsha̍t-uē 這馬欲講佗一个 tsit-má beh kóng tó tsi̍t-ê 心內話 sim-lāi uē 就囥心底 tiō khǹg sim-té 藏予家己無地揣 tshàng hōo ka-kī bô-tè tshuē
九十九个白賊話 káu-tsa̍p-káu ê pe̍h-tsha̍t-uē 攏穿仝款彼雙鞋 lóng tshīng kāng-khuán hit siang ê 揣袂著的彼一个 tshuē buē-tio̍h ê hit tsi̍t-ê 是猶未蔫的花 sī iáu-buē lian ê hue 抑是袂成人的罪 ia̍h-sī buē tshiânn-lâng ê tsuē
- Special thanks to W.B. Chen for correcting the lyric.
- Related Links: W.B. Chen
|